Presidenti rumun i bëri thirrje kryeministres të japë dorëheqjen, pasi ajo nënshkroi një marrëveshje të fshehtë për të lëvizur ambasadën e vendit në Izrael në Jerusalem, duke tejkaluar kompetencat e saj mbi politikën e jashtme.

Kreu i shtetit nuk mund ta shkarkojë kryeministren, por thirrja e Presidentit Klaus Iohannis mund të shkaktojë një votë mosbesimi, diçka që kryeministrja Viorica Dancila mund ta mbijetojë lehtësisht duke marrë parasysh shumicën e fuqishme të partisë së saj në parlament, transmeton portali arbresh.info.

“Znj Dancila nuk po përballet me pozitën e saj të kryeministrit të Rumanisë dhe kështu po e kthen qeverinë në një detyrim për Rumaninë. Prandaj unë po i bëj thirrje publikisht për dorëheqjen e saj”, tha Iohannis në një deklaratë.

Çdo vendim për zhvendosjen e ambasadës i takon presidentit, i cili tha se nuk u konsultua për këtë apo vizitën shtetërore që Dancila i bëri Izraelit këtë javë së bashku me udhëheqësin e partisë së saj Social Demokratike, Liviu Dragnea.

Dancila ka thënë se memorandumi që ajo miratoi ishte konfidencial dhe nuk mund të bëhej publik akoma.

Iohannis – i cili ka fjalën e fundit në çështjet e politikës së jashtme – tha se lëvizja e ambasadës në Jerusalem, i cili nuk njihet gjerësisht si kryeqyteti i Izraelit për shkak të pretendimeve sovraniteti kontestuese nga palestinezët, ka thënë se masa mund të shkelë ligjin ndërkombëtar./Arbresh.info/